نفسك تروح تفسح ولادك وأسرتك على البحر وتستمتع بمصيف جميل لكن مش عامل حسابك.. دلوقتي البنوك عملت حسابك في المصيف وبأطول فترة سداد ومميزات تانية كتير.
مشكلة ناس كتير في مصر إنها مش واخدة بالها من خدمات كتيرة جدا بتقدمها البنوك في كل مجالات الحياة ومثلا أغلب البنوك في مصر بتقدم حاجة اسمها قروض المصيف 2024 والرحلات السياحية بغرض الترفيه والسياحة وبمميزات كبيرة.
ومن بين البنوك اللي بتقدم قرض المصيف الرحلات السياحية في مصر هي بنك أبوظبي الاول واللي أعلن عن قرض بيت المصيف بـ الجونة أو العين السخنة أو الساحل الشمالي ودا لو عاوز تشتري وحدة مصيفية في الاماكن الجميلة دي وتصيف كل سنة في شاليه أو وحدة ملكك.
وبخصوص التفاصيل مبلغ القرض بيوصل إلى 7،500,000 جنيه مصري والقرض بيوصل لـ 70% من قيمة العقار.
وعلى فترات سداد مريحة تصل إلى 10 سنين,,
وبخصوص قرض الرحلات السياحية من بنك مصر فبيقدم قرض الرحلات السياحية للمصريين من خلال برامج التمويل مقابل تعهد الموظفين بتحويل الراتب / القسط الشهري من جهة العمل، واثبات الدخل بالنسية لأصحاب المهن الحرة وأصحاب الأنشطة التجارية والصناعية.. أما أصحاب / مستحقي المعاشات (بتعهد تحويل المعاش أو بدون).
طيب ايه هي شروط قرض الرحلات السياحية بنك مصر.. شوف البنك حدد عدد من الشروط لحصول المتقدم على القرض وهي إن عمر المقترض ماكونش أقل من 21 سنة والحد الأقصى لقيمة القرض تصل إلى 100 ألف جنيه (بشروط محدده)، وبتوصل نسبة التمويل إلى 100%، بمدة تمويل تصل إلى 120 شهر.
اما الأوراق المطلوبة لقرض الرحلات بنك مصر فهي عبارة عن أوراق بسيطة زي:
1- صورة البطاقة الشخصية.
2- إيصال ( غاز- كهرباء- مياه- تليفون ).
3- عرض معتمد من الشركة.
بالنسبة للموظفين هيكون مطلوب منهم:
شهادة مفردات الراتب الشهري.
تعهد جهة العمل بتحويل الراتب / القسط الشهري (في حالة تعهد جهة العمل).
بالنسبة لأصحاب المهن الحرة والأنشطة التجارية والصناعية:
صورة البطاقة الضريبية.
صورة ترخيص / تصريح مزاولة المهنة (للمهن الحرة).
صورة مستخرج رسمي حديث من السجل التجاري.
كشف حساب بنكي لمدة 6 أشهر.
وأخيرا بالنسبة لأصحاب ومستحقي المعاشات ونفسهم يروحو المصيف هيكون مطلوب منهم:
بيان بقيمة المعاش... وبيان بالمستفيدين من المعاش (في حالة مستحقي المعاشات).. وتعهد بتحويل المعاش الشهري (في حالة تعهد جهة صرف المعاش بالتحويل).
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
