حكاية مصنع الفلنكات وتوطين الدولار في مصر

حكاية مصنع الفلنكات وتوطين الدولار في مصر

سمعت عن مصنع الفلنكات؟..  ياترى إيه علاقته بالدولار وأزمة مصر الأزلية وليه بنتكلم عنه النهاردة خليكم معانا.. هنشوف الحكاية

قلنا وعدنا واتكلمنا كتي عن أزمات مصر الاقتصادية التاريخية وقلنا إن المشكة الأصلية اللي عندنا إننا بلد مستهلك ومتشبع بثقافة الاستهلاك المفرط وإن استهلاكنا أكبر بكتير من إنتاجنا ومكانش عندنا خطط حقيقية وقابلة للتنفيذ تخرجنا من الوضع ده في بلد وصلت فيه فاتورة الاستيراد اللي 100 ملياردولار وفي وقت مش بيصدر تلت المبلغ ده فكان طبييعي تحصل عندك أزمة كبيرة في أقرب أزمات دولية وطبيعي الجنيه بتاعك ينزل وقيمته تقل وطبيعي جدا الدولار يتحكم في مصير ملايين المصريين.
ليه بنقول مكانش وكان عن الخطط الاقتصادية.. عشان مصر فعلا حطت ايديها على الداء اللي بينهش في الاقتصاد وقررت من ساعة تولي الرئيس السيسي تبني فكر جديد وبناء دولة جديدة بكل مقومات الدول الكبيرة وكانت البداية تاسيس البلد وتأهيلها إنها تستوعب أي مشاريع وصناعات وفي ملحمة زي ما وصفتها كبار المؤسسات الدولية قدرت مصر أخيرا إنها تبني أكبر وأحدث بنية تحتية في كل المجالات والمشروعات موجودة واتنفذت فعلا ومش بنتكلم في حاجة لسه متعملتش لكن نقدر نقول إنه بمجرد تغير الفكرة عند الدولة والشعب من استهلاك لتوفير وترشيد وبعدها تصنيع وتصدير وأخر مرحلة التوسع في التصدير مصر راحت ولسه هتروح في حتة تانية وشفنا كمية الصناعات اللي وطنتها الدولة ولسه بتوطنها وحجم التوسع في المشروعات والمجمعات الصناعية والمشروعات الصناعية المتكاملة مع القطاعات الزراعية والتعدينية.. اللي عاوزين نقوله إن مصر دخلت في قلب ثورة صناعية حقيقية دلوقتي وبتخدم عليها بنية أساسية قوية جدا والأهم بقي عندها خطط واضحة ورؤية ومعدلات زمنية وشفنا شكل الاقتصاد رايح علي فين رغم الازمات العابرة لكن مصر فعلا داخلة على عالم جديد من الاستثمارات العربية والعالمية الضخمة في كل المجالات بجانب التوسع الاستثماري المحلي.

طيب ايه حكاية الصناعة والتصدير والترشيد بمصنع الفلنكات وتوطين الدولار.. شوف حضرتك مصنع الفلنكات اللي افتتحه وزير النقل النهاردة مجرد نموذج للفكر الجديد اللي بنقول عليه  لأنه للأسف مصر رغم إنها تاني بلد في العالم بعد بريطانيا تعمل شبكة سكك حديد لكن من مئات السنين وهي بتستورد الفلنكات بملايين الدولارات كل سنة ومحدش فكر يعمل مصنع فلنكات ويوفر الدولارات واخيرا اتعمل المصنع ضمن خطط بتوطين صناعة النقل في مصر ومنها صناعة الفلنكات وبيعتبر المصنع احد المصانع الاربعة  المتخصصة  في مجال تصنيع الفلنكات في مصر والتي تم إنشائها ضمن خطة توطين هذه  الصناعة تنفيذا لتوجيهات الرئيس بتوطين أي صناعة ممكن نعملها في مصر.

وبالأرقام تبلغ القدرة الإنتاجية للمصنع حوالى 550 ألف فلنكة سنويا اصبح تكاليف انتاجها بمصر بيوفر 50% تقريبا من تكاليف استيرادها من الخارج والمصانع دي هتوفر حضرتك 300 مليون دولار في السنة كنا بنستورد بيها فلنكات وتخيل ده لو عملنا المصانع دي من سنين كنا وفرنا كام مليون دولار.. ولما نوفر الدولار من الاستيراد أكيد هنلاقيه متوفر في البنك وسعره هينزل وده مجرد مثال بس للفكر الجديد
.