جهز ورقك… تفاصيل الطرح الجديد لشقق الاسكان الإجتماعي سكن كل المصريين 2024

جهز ورقك… تفاصيل الطرح الجديد لشقق الاسكان الإجتماعي سكن كل المصريين 2024

 

اغلب الناس حاليا في انتظار الاعلان الجديد لوزارة الإسكان والمرافق والمجتمعات العمرانية لشقق الاسكان الإجتماعي الجديدة في الاعلان الـ18.. يا تري اية تفاصيل الاعلان الجديد للشق، واية الشروط اللي ممكن نجهزها من دلوقتي للي عايز يقدم واسعار الشقق كام.

حاليا وزارة الأسكان والمرافق والمجتمعات العمرانية بصدد فتح باب قبول طلبات المواطنين الراغبين في التقدم لحجز شقق الاسكان الإجتماعي الجديدة شقق سكن كل المصريين في الاعلان الـ18، والنوعية دي من الشقق بيكون عليها اقبال كبير جدا من المواطنين لحجز الوحدات السكنية خصوصا انها بتناسب كل الفئات وخصوصا محدودي الدخل.
طيب الاعلان الجديد لشقق الاسكان الإجتماعي متوقع ينزل امتي؟..
الدكتور عاصم الجزار وزير الاسكان والمجتمعات العمرانية قال ان الوزارة بصدد انها تعلن عن فتح باب الاعلان الجديد لشقق الاسكان الأجتماعي في الاعلان الـ18 في الربع الأول من العام الجاري، وان المساحات اللي هتكون متوفرة في الاعلان هيا الـ 75 و 90 مترًا.
طيب اية هيا الشروط المطلوبة في المواطنين اللي عايزين يقدموا في الاعلان الجديد لشقق الاسكان الإجتماعي؟.
وزارة الاسكان والمرافق العمرانية قالت انه يحق لاي مواطن انه يقدم في الإعلان الجديد لشقق الأسكان الإجتماعي بشرط انه ميكونش استفاد قبل من طروحات الدولة سواء في وحدات سكنية أو قطع أراضٍ، وتقديم إثبات حصوله على راتب لا يقل عن 2700 جنيه ولا يزيد على 7000 جنيه سواء كان أعزب أو متزوج، وتقديم مستند الإقامة بما يتناسب مع الوحدات المتاحة بأقرب مدينة جديدة سواء محل الإقامة أو محل العم، ويكون سنة ميقلش عن 21 سنة، وميزدتش عن 51 سنة ولو علي المعاس يكون سنه ميزدتش عن 75 سنة بحد أقصى.
طيب اسعار الوحدات الجديدة من شقق الاسكان الإجتماعي سكن لكل المصريين بتوصل لكام؟.
وزارة الإسكان والمرافق والمجتعات العمرانية حددت اسعار الشقق في الطرح الجديد لشقق سكن كل المصريين في الاعلان اللي هينزل في الايام اللي جاية باسعار تبدا تترواح من 350 الف الي 500 ألف جنيه، والأسعار بتختلف بناء على نسب التميز والمدينة المطروح بها الوحدات السكنية .
اما بالنسبة للمستندات المطلوبة للتقديم لشقق الإسكان الإجتماعي الجديدة سكن لكل المصريين فالوزارة حددت شوية اوراق ومستندات لازم اي مواطن عايز يقدم في الطرح الجديد يرفقهم في مستندات التقديم وهيا تقديم مستندات إثبات الدخل ويكون الدخل المذكور هو صافي الدخل الشهري للمتقدم للحجز، ولو اللي هيقدم متزوج لازم يقدم مفردات مرتب للزوجة، ولو مش شغالة بيقدم إقرار يأكد أنه مراته مش شغالة، ده غير تقديم إيصال سداد مقدم الحجز ومصروفات التسجيل اللي تم الحصول عليه وقت السداد في مكاتب البريد، وصورة من بطاقة الرقم القومي للمتقدم وزوجه ولازم تكون سارية يعني ميفعش بطاقة حد فيهم تكون منتهية، ده غير طبعا تقديم قسيمة الزواج لو عندكم اولاد لازم برضوا تقدم شهادات ميلاد لكل الاولاد .