انتقد الإعلامي مصطفى بكري؛ تصريحات الممثل عمرو واكد والتي هاجم فيها القوات المسلحة والشرطة المصرية.
وقال بكري، خلال برنامج "حقائق وأسرار" المذاع على قناة "صدى البلد": "واحد من هؤلاء اللي بيشتم النهاردة مصر والجيش والشرطة طلع في التلفزيون، وقال إن ما حدث ليس انقلابًا وأن من الضروري أن الجيش ينحاز للشعب في ثورته ودعم للجيش بلا حدود".
وأضاف: "تعالوا شوفوا الأخ ده، هو بيرد على نفسه من ادعاءاتك اللي بتكتبها، مش بتشتم الصهاينة، إن طلعت معاهم في أكتر من فيلم ومسلسل، إحنا منقدرش نعمل ده على فكرة إحنا موقفنا ثابت والشعب المصري بيقول مفيش تطبيع إلا إذا عادت حقوق الشعب الفلسطيني وحدث استقرار حقيقي".
وتابع: "اللي إحنا بنشوفه ده المزايدة على مصر ومواقف مصر لحساب أمريكا ولحساب الجماعات الإرهابية، الدكر فيكم يجي هنا في البلد ويعارض ويتكلم، إنما تطلع بره وتشتغل أداة في يد المخابرات وتطلع بره تتقول على أسيادك من رجال الجيش والشرطة دي اسمها خيانة ومؤامرة".
وواصل بكري: "اللي ميقفش مع بلده وقت الأزمة لا يستحق أن يكون مصريًا، اللي ميقفش مع جيش بلده وهو بيواجه على كل الاتجاهات الاستراتيجية لا يستحق تراب هذا الوطن، اللي ميقفش مع شرطة مصر وهي بتقاتل وتدافع وتبني الأمن والاستقرار لا يمكن إنه يكون شخص حاسس بالبلد".
وأوضح: "إحنا لو شفنا فيديوهات بعض هؤلاء هتستغرب، يا إخوانا انتوا كنتوا مع كذا وكذا وقلتوا إيه اللي حصل، لما طلعت بره ولقطوك بره بقيت أداة ضد بلد، عمومًا حكم الشعب المصري الذكي الواعي حكم شديد".
وذكر الإعلامي: "دا عمرو واكد اللي بيشتم البلد ليل ونهار، هو شايف إن اعتصام الإخوان في رابعة كان جريمة، وإن ما حدث كان ثورة حقيقية، واستجابة من الفريق السيسي للشعب المصري، وأمال مختلف معانا على إيه؟".
واختتم: "كنت أتمنى تحسوا بالبلد وتحسوا بالحرب والجهد اللي بيبذل، لما بشوف اللي بيحصل في الجامعات الأمريكية تظاهرات للطلاب الأمريكيين المؤيدين للفلسطينيين في كل مكان، السادة اللي انتوا قاعدين عندهم شوفوا عاملين إيه شوفوا الأمن هناك عمل إيه".
