عيد الاضحي المبارك خلاص علي الابواب، واغلبنا من دلوقتي بيبدأ يجهز نفسه ويشتري اضحية العيد، واللي برضوا اسعارها ارتفعت بسبب ارتفاع اسعار اللحوم في الاسواق.. بس وزارة الزراعة اعلنت عن مفاجاة للمواطنين اللي عايزين يشتروا اضاحي.. يا تري اية هيا المفاجاة دي .. واية هيا المواصفات الكويسة علشان اشتري اضحية العيد
اضحية العيد واحد من السنن اللي كانا بنكون حريصين عليها وبنستعد من سنة للتانية علشان نقضيها، بس الاسعار السنة دي ممكن تكون سبب في ان ناس كتيرة مش هتقدر تضحي السنة بسبب غلو اسعار اللحوم الاضاحي، وارتفاع اسعار الاعلاف، لكن السنة دي في مبادرة حلوة من وزارة الزراعة واللي اعلنت عن بدأت حجز اضاحي العيد في منافذها علي مستوي الجمهورية باسعار مناسبة كتير عن الاسعار الموجودة في الاسواق.
طيب اية هيا المنافذ اللي الوزارة اعلنت عن طرح اضاحي العيد فيها؟.
وزارة الزراعة قالت انها بصدد فتح باب حجز اضاحي عيد الاضحي المبارك في منافذها بشارع الصيد في الدقي ومنفذ شباب الخريجين بالدقي ومنفذ الهرم ووحدة تقطيع مزرعة غطاطي في كفر غطاطي، ومنفذ شبرا التابع لجهاز التعبئة والإحصاء ومنفذ ميدان لاظوغلي ومنفذ وزارة العدل بالقاهرة ومنفذ سوق العبور ومنفذ الحي المتميز بمنطقة 6 أكتوبر في سوق الجملة بأكتوبر ومنفذ المعادي الموجود قدام كورنيش النيل عند مستشفى السلام ومنفذ القاهرة في منطقة 15 مايو ومنفذ القناطر في محافظة القليوبية ومنفذ ابني بيتك في المنطقة الثانية، ومنفذ ابني بيتك في المنطقة الرابع عشر ومنفذ سوق ابن بيتك في 6 أكتوبر، ومنفذ سوق الغلال بمنطقة أثر النبي في الجيزة ومنفذ أوسيم في شارع أبوقرن في مركز أوسيم.
مش كده بس، الوزارة أعلنت كمان عن امكانية حجز اضاحي عيد الاضحي في المحافظات بمنافذ جزيرة الشعير بمحافظة القليوبية ومنافذ مزارع وزارة الزراعة بمحافظة كفر الشيخ، ومنافذ وزارة الزراعة بمحافظة الشرقية، ومنافذ مزرعة جزيرة شندويل بمحافظة سوهاج ومزرعة مشتل كفر الجمام بالشرقية ومافذ مشتل قها بمحافظة القليوبية ومنافذ مزرعة البوصيلي بمحافظة البحيرة ومنافذ مزرعة طامية بالفيوم ومنافذ مزرعة المطاعنة بمحافظة قنا ومنافذ محطات البحوث بمحافظة الإسماعيلية ومنفذ العامرية بمحافظة الإسكندرية ومنفذ سخا مزرعة سخا بمحافظة كفر الشيخ ومنفذ أبورديس أبوزنيمة في سانت كاترين.
حسين أبو صدام نقيب الفلاحين قال إن الأضحية من الضأن بيبدأ سنها من 6 شهور والماعز من سنة، والإبل بيكون سنها من 5 سنين والبقر سنتين، ولازم تكون الأضحية خالية من العيوب ولازم تكون سليمة ومش عرجاء أو عوراء أو عيانة.
نقيب الفلاحين قال، قدم نصائح للمواطنين اللي عايزين يتشروا اضاحي للعيد وقال أن الاضاحي اللي تمت 6 شهور بتكون أسنانه عريضة وعنده 4 أسنان متماثلة في الفك السفلي، ويتكون عينه لامعة ومفهاش اي دموع أو إفرازات، ولازم تكون قرون الخروف سليمة مش مكسورة أو ودنه مقطوعة وميكونش عنده أي إفرازات من مناخيره ولازم كمان تكون خالية الأمراض الجلدية والبثور، ومفيش علي شعره اي فضلات نتيجة إسهال أو مشاكل صحية، أما البهايم فيستحسن أن يكون العجل بيزن اقل حاجة 350 كجم
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
