كشفت الفنانة سلوى عثمان عن سبب حبها في العمل مع المخرج محمد سامي، ورأيها في تصريحات الإعلامية ياسمين عز بشأن الرجل الذي أطلقت عليه لقب فرعون.
سبب حب سلوى عثمان في التعاون مع محمد سامي
وقالت سلوى عثمان خلال لقاءها مع تحيا مصر: محمد سامي بينور الممثل اللي معاه فقلما لما تلاقي حد فشل معاه ومبيفرقش بين نجوم العمل.
سلوى عثمان ترفض دعم آراء ياسمين عز
وتابعت: أنا مش مع آراء ياسمين عز.. الست بتضحي عشان خاطر أسرتها والتقدير سر نجاح أي علاقة زوجية.
من جانبه، قالت سلوى عثمان عن والدها في تصريحات تليفزيونية: كان أستاذ لغة عربية وكان عامل لنفسه صدقة جارية بتسجيل القرآن الكريم لغير الناطقين باللغة العربية، وده شيء هيستمر صدقة جارية بعد وفاته وأنا متأكدة أنه في الجنة.
تصريحات سلوى عثمان
وتابعت سلوى عثمان، الجملة الوحيدة اللي قالها لي قبل وفاته هي خلي بالك من نفسك وده حسسني إنه خلاص، ودايما كان يقول لي خليكي هادية وخدي ردود فعل بسيطة، لأني كنت عصبية شوية لكن هو كان هادي وردود فعله هادية.
واستطردت لفنانة سلوى عثمان أن والدها كان أصيب بجلطة في المخ العام الماضي ومع تصوير مسلسل بابلو الذي اعتذر عن استكماله، وتعافى من الجلطة بعد دخوله المستتشفى وخضوعه لجلسات علاج طبيعي لكنها تركت أثرًا باليد والقدم الأمر الذي كان يعوق حركته.
وأردفت، كان مرتبط جدًا بإسكندرية وبيحبها جدا، ولما اتعالج بالأدوية والعلاج الطبيعي بدأ يمشي تاني، وكان لآخر لحظة مش بيحب يسيب شغله وكان بيروح وهو تعبان وطلابه زعلوا عليه لأنه كان بيحب الحياة والشغل.
واستكملت، كان خف وبدأ يكون كويس لكن قبل 25 وفاته بكلمه علشان أطمن عليه قال لي تعبت تاني، بشكل مضاعف ولقيته بيقول خلي بالك من نفسك لما قال لي الكلمة دي حسيت إنه بيودعني ولكنه كان بيتكلم كويس، وقال لي عاوز آجي لك لكنه رجع قال أنا تبعان مش قادر آجي، وبعدها بيوم قلت له هاجي أخدك لكنه رفض، واليوم اللي جه فيه كنت في مشوار فتحت التليفون لقيته ملكمني كتير وقال لي أنا جاي ليكي، وفعلًا جه مع ناس قرايبنا وأنا بكلمه في الطريق علشان أطمن عليه لقيته بيقول اه بصوت عالي.
واختتمت سلوى عثمان حديثها قائلة: أول حاجة فكرت فيها دكتور أشرف زكي لأنه سند لينا بعد ربنا، وقال لي هاتيه دار ضيافة كبار الفنانين عندنا فريق طبي وعلاج طبيعي، وقال لي محمود عبد الغفار هيستقبلك لقينا شيء عظيم جدا وممرضات ملائكة، قعدنا مع والدي شوية وأكلناه وسبناه دخل نام وتاني يوم لقيته مش داري بحاجة ولما أقول له سامعني يهز راسه.
إخلاء مسؤولية إن موقع ناشري الفجر يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
