«فاكر نفسه علي بيه مظهر».. آمال بدعوى الخلع: مش لاقي يأكلنا ورايح يتجوز

حياة صعبة تحملتها آمال من بداية الزواج بسبب حالة الزوج المادية، تحملت ظروف زوجها الصعبة، وكانت مكافأتها هو الزواج من أخرى، طلبت منه تطليقها ولكنه رفض لهذا السبب قصدت محكمة الأسرة من أجل رفع دعوى خلع.

حكايات محكمة الأسرة 

بدل ما تشعر أمال أنها مع زوج يقدرها وقدر تحملها لكل ظروفه الصعبة دون طلب الانفصال، وكانت المفاجأة الكبرى اكتشفتها الزوجة في السنة العاشرة من الزواج، استهلت أمال رواياتها للقاضي: "متجوزاه وهو حاله على قده وأنا كنت راضية ومستحمله عادي ومعنديش أي مشاكل وكنت مبسوطة وراضية، حتى الناس كانت بتبقى مستغربة أنا ازاي مستحملة العيشة اللي على قدها دي، بس كنت بقول طالما لاقين ناكل مش مشكلة".

قصص محكمة الأسرة.. راح يتجوز بفلوس اكل عياله

ظروف صعبة لسنوات طويلة تحملتها الزوجة من أجل الحفاظ على استقرار منزلها، ظنت أنها تجد التقدير ولكن ما وجدته من الزوج بعيد كل البعد عن التقدير الذي انتظرته الزوجة، تستكمل رواياتها قائلة: "اتحملت كتير معاه ومكنتش بطلب أي حاجة، حتى اللبس مكنتش بطلب منه يجيب لي أي هدوم المهم كنت اجمع فلوس لبس العيال للعيد، مكنتش طالبة أي حاجة غير إني يقدرني، بالرغم من إنه كان أوقات يضربني ويجي عليا كتير بس كنت بقول مش مهم، استحمل عشان خاطر العيال، وأخر فترة مكن شمعاه فلوس حتى يجيب لنا أكل وكنت عايشة معاه وعادي، بس المصيبة إني لقيته راح اتجوز".

روايات محكمة الأسرة.. طلبت يطلقها رفض

صدمة كبيرة تلقتها الزوجة من الرجل الذي تحملت معه سنوات طوية من الحياة الصعبة ما جعلها تقصد محكمة الأسرة من أجل رفع دعوى خلع بعد ما رفض الزوج تطليق زوجته الثانية، تابعت: "كان مفهني إنه مش معاه فلوس او الدنيا كانت صعبة معانا أو أخر فترة زيادة عن العادي كمان، وطلع متجوز بفلوس عياله ولما قلت له طلقها قال لي لا مش هطلقها واللي عنك أعمليه"، أقامت دعوى خلع في محكمة الأسرة منذ 6 شهور ولا تزال الدعوى منظورة حتى الآن.

تابع أحدث الأخبار عبر